Codi a chario

Mae mwy na chwarter y damweiniau yr adroddir amdanynt bob blwyddyn yn digwydd oherwydd technegau codi a chario gwael, gan achosi absenoldebau, anafiadau ac anableddau. Mae hyfforddi gweithwyr yn effeithiol yn y technegau codi a chario cywir a defnyddio cymhorthion codi mecanyddol yn hynod gost-effeithiol. Mae ein cwrs codi a chario yn cynnwys:

• Rheoliadau yn ymwneud â chodi a chario
• Ystadegau ac anafiadau yn ymwneud â chodi a chario
• Astudiaethau achos, mathau o anafiadau a sut maen nhw’n digwydd
• Asesiadau risg
• Technegau codi a argymhellir
• Systemau gwaith priodol
• Cymhorthion mecanyddol

Rydym ni’n anelu at deilwra’r cwrs hwn i’r tasgau penodol y byddai pob cleient yn debygol o’u hwynebu yn eu hamgylchedd gwaith. Mae’r cwrs yn seiliedig ar theori gyda gweithgareddau codi a chario rhyngweithiol ac arholiad byr i gadarnhau’r wybodaeth a drafodir.